امبارح طلعت نتيجه التنسيق على النت وجاتلى الرغبه الاولى اللى كنت كتباها وهى كليه الالسن وانا اتبسط جدا اينعم هيه ما كنتش فى دماغى خالص والاعلام كانت فى دماغى اوى بس انا بحب اللغات وهى كمان بقت مطلوبه فى كل المجالات وممكن كمان ادخل مجال الاعلام اللى انا بحبه من خلال دراستى للغات برده وربنا يوفقنى فى دراستى الجديده.انا كان نفسى اكتب لما جواب التنسيق يجينى بس اهو قولت اقولكم ومبروك ليه ولكل اللى حققوا اللى كان نفسهم فيه.وتحياتى للجميع
ملاحظات
مبروووووووووووك للباشمهندسه نوران على هندسه القاهره وعقبال لما تتخرجى
شكرا جدو العزيز على سؤالك عليه وانا مكنتش بكتب الفتره اللى فاتت عشان المود كان فى النازل
مبروك لكل اصحابى على كلياتهم الجديده وربنا يوفق الجميع
14 comments:
bravo 3aliki enti keda btfkri sa7 ana bardo 3mlt keda
حمدالله عالسلامه يا اهلاويه
مبروك الالسن .. كليه جميله جدا و كان نفسي ادخلها بجد
وثانيا مبروك للأهلي اللي كسب كفته كالعاده
وثالثا .. لأ خلاص كفايه كده :) ربما معاكي في الكليه .. شدي حيلك .. و المفروض تعمليلنا دروس لغات مجانا على المدونة ان شاء الله .. عايزين نتعلم صح
دودى
مبروك انا قبل منام امبارح السبت سيبت استفسار عنك فى مدونتة نوران
سؤالى عنك كان هنا
دلوقت انتى اللى اخترتى مابين حلمك بدخول كلية الاعلام وكلية مستقبلها فى نظر اللى حوليكى اضمن نصيحة اذا حسيتى انك بعد بدء الدراسة فى الالسن مش مرتاحة مع المواد وانها بتفرض عليكى حولى الى كلية اعلام بدون تردد ولو حتى بعد نجاحك فى السنة الاولى فى الالسن لان حب نوعية الدراسة هو اللى بيخلى الانسان يتحمل سخافة بعض المواد اللى لازم تدريسيها وربنا معاكى
مبروك يا دودي والله يبارك فيكي ويلا شدي حيلك وادعيلنا نشد حيلنا
والله يا جدو مشفتش السؤال غير دلوقتي ولقيت رضوى كتبت وحضرتك علقتيلها
انا قلت اسيبها هي اللي تقول اخبارها وتفرحكم بنفسها :)
*basma
merci ya basma w rbna ywaf2na kolna.
nawarteny
*zangoolaaa
الله يبارك فيك يا زملكاوى وطبعا الف مليون مبروك للاهلى ومش الاهلى اللى بيكسب كفته ابدا وحتى لو كدا اهو احسن من اللى مش عارفين يكسبوا باى طريقه من الطرق .وموضوع الدروس ده صعب لما ابقى معيده ان شاء الله ابقى ادى دروس
*جدو العزيز
الله يبارك فيك يا جدو انا حاسه انى اخدت القرار الصح وادعيلى يا جدو ان يكون اختيارى صح مش غلط ومرسيه يا جدو على النصيحه الغاليه
*nouran
الله يبارك فيكى يا باشمهندسه وربنا يوفقنا كلنا
*ابراهيم
الله يبارك فيك يا دكتور
مبرووووووووووووووك كليه الالسن من الكليات الجميله ولها مستقبل جميل .
يارب يكون مودك دلوقتى بقى أحسن .
أنت صحيح أهلاويه والله دى حاجه كويسه جدااااااااااااااااااااا وللعلم بس ردا على ZanGooLaaa الاهلى فاز بالفريق التانى وبهدفين ولعب كمان كويس وبعدين هو الزمالك فين محدش سامع له صوت لييييييييييييييه؟؟؟؟؟؟؟؟؟؟؟؟؟؟؟
الف الف الف مبروك وربنا يوفقك والالسن كليه ممتازه بس محتاجه جهد كبير
ربنا معاكي
*العزيزه ابيتاف
الله يبارك فيكى وبصراحه انا محتاره بين اسبانى وايطالى بس قالولى اسبانى احسن عندك فكره انهى احسن؟
*wa3d el3oyon
لله يبارك فيك مرسيه والحمد لله المود بقى تمام وطبعا انا اهلاويه جدااااااااااااااااا من هنا لبكره الصبح وكويس كسبت حد جديد يبقى معايا ضد زنجولا الزملكاوى
وردا على سؤالك الزمالك فين ده مات من زمان انت محدرتش الجنازه ولا ايه؟
*محمد مفيد
الله يبارك فيك مرسيه وربنا يسهل بقى فى الكليه ادعولى
مبروك ياسيدي
مبروك ليكى
مبروك ليكوا كلكوا
اتمنى انك تكونى من الناجحين دايما
و تعطى فى المجال اللى انتى بتحبيه و هوا اللغات
و تترجميلنا الدرر من الآدلب العالميه
أنا كمان بحب اللغات و بعرف انجليزى و بادرس ألمانى
لكن حاليا أنا فى الجيش
تحيانى و ألف مبروك
الف مبروك يا دودى و انشاء الله ربنا يوفقك فى الكليه و تحققى كل اللى تتمنىه فى مجال الاعلام بس يا ريت يكون هادف
وبلاش اعلام مش هتقدر تغمض عينيك
تحياتى
mabrok :)
مبروك وشدي حيلك في المذاكرة لما تبدأ الدراسة
ciao ya gama3a ana mido fe kolayt al alsun italian department iwant tell that al kolaya gamda moot fe kol 7aga aly 3ayz any help about departments iam here at egitaliano@hotmail.com or egetaliano@yahoo.com 3la fekra ana fe at7ad al talaba for help you....welcom to al alsun
Post a Comment