Friday, August 14, 2009

!!! موقف

sorry ... forgive me .... i miss u ..... i love u
i swear nothing will happen again... ya 7'amaseno
will u marry me ???

كل الشارع بتاعنا اتفاجئ باليافطه دى من ساعتين بالظبط

وكل الناس واقفه بنتسأل لمين اليافطه دى؟؟؟

Monday, August 10, 2009

دموع الورد








3amar & nermin
3ayshtoni kestko bgd w 7aset eny sada2tha
tamsel bgd raw3aaaaa
far7tony ma3ako w 3aytony ma3ako bardo
bgd mosalsal to7faaaaaaa
a7la mosalsal turky shofto


Saturday, August 8, 2009

a walk 2 remeber





lama t2ol bgd enk btedmn film
ana ha2ol eny modmenet a walk to remeber

Friday, July 31, 2009

مجرد كلمات


ونفسى اقوله انى لحبه محتاجه
وفى حاجز بيمنعنى و 100 حاجه
ــــــــــــــــــــــــــــــــــــــــــــــــــــــــــ
وساعات كتير بحتاج للمسه من ايديه
واشتاق لحضنه ونظره واحده من عنيه
ــــــــــــــــــــــــــــــــــــــــــــــــــــــــــــ
يجيبه فى سيرته وقلبى يحن جوايا
وبحلم يبقى فى للبعد ده نهايه
لامنى نسيته ولا منى بعيش وياه
مقتطفات من اغنيه انغام ساعات كتير

Wednesday, July 29, 2009

اجازة

احلى اجازه قضتها من فتره كبيره وبجد كنت محتاجه تغيير الجو ده
روحنا شرم الشيخ مكان اول مره اروحه وبجد مدينه تحفه تحس انك سفرت بره مصر نظافه ونظام ومناظر طبيعيه تجنن
فى الرحلة دى عملت حاجات كتير اووووى اول مره اعملها ركبت الطيارة وطلعت سفارى ونزلت تحت الميه فى الغواصة واتفرجت على العالم اللى تحت البحر بجد عالم وهمى سبحان الخالق العظيم وركبت البنانا فى البحر بجد متعه متعه متعه البنانا دى احساس غير طبيعى بالانطلاق وعملت حاجات كتير اووووى
اه هما كانوا 3 ايام بس بس كانوا كانهم شهر عملت فيهم حاجات كتير اووووى واتبسط اوووى اووووووى الحمد لله
22-7-2009
23-7-2009
24-7 -2009
بجد بجد احلى 3 ايام فى حياتى

Sunday, July 19, 2009

!!!!ليه؟؟؟؟؟


ليه بنبقى عارفين اننا متعلقين بحبال دايبة ومتأكدين ان النهاية مش فى صالحنا وبردو بنفضل متعلقين بيها؟؟
ليه نفضل معيشين نفسنا فى وهم كبير بايدينا؟؟
ليه لما بنحاول نقنع نفسنا باننا نسينا حاجة او شخص تيجى صدفه تخليك تحن تانى؟؟
ليه بنيجى فى وقت ونفقد قدرتنا على السيطره على قلوبنا ومشاعرنا؟؟
ليه ندخل مغامرة واحنا عارفين ومتأكدين من نتيجتها وان نهايتنا هتكون الخسارة؟؟
ليه وليه وليه
انا مبقتش عارفة ليه؟؟؟

Thursday, July 16, 2009

20 years


النهاردة عيد ميلادى ال 20 ياااااااه كبرنا اوووووووى

السنين بتعدى بسرعة جداااااااااا

كل سنة وانا طيبة وياااارب تكون سنة مليانه سعادة وخير

واحقق فيها كل اللى نفسى فيه ان شاء الله

Wednesday, July 15, 2009

أوقات كتير


أوقات كتير بتخدنا حيرتنا ترمينا فى بحر عميق منعرفش نهايته فين
تخلينا مش عارفين ده صح ولا غلط ده حقيقى ولا مش حقيقى
تشككنا ساعات فى احاسيسنا وتخلينا واثقين منها اوقات تانيه
وبتخلينا كده مش راسيين على بر
أوقات كتير

Saturday, June 27, 2009

والله حلوة

لو جه فى بالنا نحلم بجنة قوة ايمانا هى السلام
والدين معاملة ورساله كاملة يعنى الحكاية مفيهاش كلام
غنى وحب وصلى جماعه لقلبك ساعه وربك ساعة
والدنيا حلوة والله حلوة مش ضاحكه علينا وخداعة
متقولش خلصت وذنوبى كترت متعش فكرة جاى العذاب
صاحب الجلالة الله تعالى من الاستحاله ينسى اللى تاب
ربنا مخلنقاش نتألم عادى بنغلط وبنتعلم
والدنيا حلوه والله حلوه اوعى تسيب نفسك وتسلم
لو حد هانا او جرح طالنا نفتح ببانا منردهاش
جايز نجاحنا يكسر جروحنا ونحب روحنا منظلمهاش
نملى حياتنا حب وفرحة ونكتر اعمالنا الصالحة
والدنيا حلوة والله حلوه مش ايام بتعدى ورايحة
رائعه انغام "والله حلوة" وبجد يا جماعه الدنيا حلوه مهما يعدى علينا من ازمات وجروح من فشل والم بس بردو فيها لحظات حلوه وذكريات جميله جدااا
والدنيـــــــــــــــــا حلـــــــــــــــــوة

Wednesday, June 24, 2009

!!!!!! مش عارفة ليه


مش عارفة ليه اسهل كلمة الناس بتقولها كلمة بحبك مع
ان الكلمة دى معناها كبير اووى وغالية اوووى


مش عارفة ليه كل ما نقنع نفسنا ان الشخص ده مش مهم بالنسبة لينا
يحصل موقف يخليك تعرف اد ايه هو مهم بالنسبة ليك وانك لحظه ما تسمع صوته يبقى نفسك الوقت يقف


مش عارفة ليه فى ناس بنفتكرهم اصحابنا اوى وميطلعوش كده


مش عارفة ليه ساعات بنبقى مطالبين نتعامل مع ناس اصحابنا بالشوكة
والسكينة مع اننا بنكره الطريقة دى وبنحب نبقى على طبيعتنا


مش عارفة ليه لما بيكون فيه بنتين او ولدين اصحاب اوووى وواحد
منهم يرتبط صاحب عمره ده يتحول لحاجة ثانوية كده فى حياته


مش عارفة ليه لما نقابل ناس كانوا اصحابنا اوووى بس بعدنا عن بعض عشان
مشاغل
الحياة منلاقيش كلام نقوله مع اننا زمان مكناش بنبطل كلام



مش عارفة ليه بنات كتير بتتخلى عن مبادئ كتير كانت
عندها لما ترتبط وكأن المبادئ دى اتمسحت باستيكه


مش عارفة ومش عارفة حاجات كتير اوى بتحصل وهتحصل وبردو مش عارفة لية؟؟؟

Monday, June 22, 2009

يوميات مشجعه مصريه فى كأس العالم للقارات 2009














مشهد 1
يوم 15-6-2009 الساعه 4.45
أثناء متابعه الاستوديو التحليلى لمباراة مصر والبرازيل
رضوى : يا خبر التشكيل مفيهوش مهاجمين ده احنا هنشيل من البرازيل النهارده على الاقل عشر اجوان ربنا يستر
مامتى : يا بنتى قولى يارب وان شاء الله نعمل نتيجة كويسة
رضوى : يااااااااااااااااااااااااااااارب بس يا ماما الفروق بينا وبين البرازيل كبيرة وكمان التشكيل مفيهوش مهاجمين ربنا يستر ان شاء الله
الساعة 5
صفارة بداية المباراه
بعد مرور 5 دقائق كاكا بيخترق الدفاع المصرى كله واوباااااا الجون الاول للبرازيل
رضوى: يااااااااااااااااااااا خبر جون من اول خمس دقائق مش قلتلك يا ماما ده احنا هنتقطع
ماما : يا بنتى ان مع العسر يسر
بعديها بفتره
ابوتريكه الللللللللله يخترق بكوره ممتازه ويرفعها لزيدان ويحطها بدماغه اللللللللللللللله الجون الاول لمصر
رضوى : الللللللللللللللللللللللللللللللله يا زيدااااااااااااااااااااااااان يا جااااااااااااااااااااااااامد يالله يا رجاله
ماما : مش قولتلك
رضوى: الله عليكى يا ماما
وبعديها
هوباااااااااااااااااا البرازيل جابت الجون التانى اوووووووووف والتالت جه كمان
رضوى : ربنا يستر طيب والماتش يخلص كده بقى
ماما : تانى يا بنتى خليكى متفائلة بقى
رضوى : يااااااااارب
صفارة بداية الشوط الثانى
بعد حوالى عشر دقايق الله ابوتريكة واختراقة عالمية ويمرر الكوره وترجع تانى على حدود ال18 ياخدها شوقى ويسدد صاروووووووووخ فى شباك البرازيل
رضوى : الللللللللللللللللللللللللللللللللله الجون التانى اللللللللللللله عليكوا يا رجاله مصر
بعديها بدقيقه
ابوتريكة يخترق ويمرر كوره لزيدان واوباااااااااااااااا الجون التالت لمصر
الاصوات فى الشارع غير طبيعيه فرحة فظيعه
رضوى: ياااااااااااااااااااااااااه التااااااااااااااااالت التاااااااااااااااااالت الله عليك يا زيزو يا فناااااااااااااااااااان
هيييييييييييييييييييييييييييييييييييييييييه مصر مصر مصر
تن تن تن الماتش قرب يخلص خلاص اهو يااااااااااه مش ممكن هنتعادل مع البرازيل يارب يارب
وهوب الحكم يصفر ضربه جزاء للبرازيل
اينعم انا زعلت جدااااااا بس هى ضربه جزاء ربنا يسامحك يا محمدى
وهوبا كاكا يجيب الجون الرابع وهما فعلا فرحانين جدا لانهم مكنوش يصدقوا ان مصر تلعب بالشكل ده وتجيب 3 اجوان فيهم كمان
خلص الماتش واتغلبنا بس بصراحه كلنا كنا فرحانين اتهزمنا بشرف بعد ما عملنا ماتش بجد عالى جدااااا
وربنا يستر من ايطاليا مشهورين بانهم اقوى ناس بتدافع فى العالم ربنا يستر
المشهد الثانى
يوم 18-6-2009
الساعه 9.30 بليل
صفاره بداية الشوط الاول
رضوى : ربنا يستروالشوط الاول شغال وبصراحه بنلعب حلو وحسنى عبد ربه لسه شايط صاروخ على المرمى بوفون طلعها ركنيه
الدقيقة 40 والحاج ابوتريكة رايح يشوطها
المصريين كلهم يااااااااااااااااااااااااااااارب
ابوتريكة يرفع مسطره يقابلها حمص برأسيه فى الجون
وجوووووووووووووووووووووووووووووووووووووووووووووووووووووووووووووووون
رضوى: ياااااااااااااااااااااااااااااااااااااااااااااااااااااه اللللللللللللللللللللللللله الللللللللللللللللللله اللللللللللللللللللللللللللللللللله
جووووووووووووووووووووووون يا ناااااااااااااااااااااااااااااااس
جووووووووووووووووووووووووووووووووووووووون
مصر كسبانه ايطاليا يااااااااااارب الماتش يخلص على كده

صفاره بداية الشوط الثانى
ايطاليا طبعا هاريانا هجوم بس الدفاع والحضرى كانوا متألقين بصراحة
الدقيقه 45 مصر كلها واقفه على رجل صفر يا حكم انت بقى وخلصنا
اوببببببببببا 5 دقائق وقت بدل ضايع ربنا يستر
الساعه 11.30 الحكم صفر
كسبنا بطله العالم يا ناااااااااااااااااااااااااااااااااااس
وطبعا بقى طول الليل مقضينها
والله وعملوها الرجاله ورفعوا راس مصر بلدنا
ومشربتش من نيلها
ولو سألتك انت مصرى تقولى ايه وفرحة كبيرة كبيره تسلم رأسك يا حمص

المشهد الثالث
يوم 21-6-2009
الساعه 9.30

ماتش مصر وامريكا الناس كلها واثقه اننا نكسب امريكا ونصعد للدور التانى
وهوباااااا الجون الاول يدخل فينا بس قولنا لسه فيل امل البرازيل مضبطا ايطاليا 3-0
بس للاسف مكنش يومنا وزعلنا كلنا اليوم ده بس الحمد لله لو كنا كملنا وطلعنا الدور التانى فى المشاكل دى والاصابات اللى عندنا دى كنا اتظبطنا من اسبانيا بس الحمد لله
موضوع هاااااااام جداااااااااا
بعد ماتش امريكا الناس كلها لتفجئت بالاستاذ الغير محترم عمرو اديب يشن هجوم على المنتخب المصرى وقال كلام غير لائق بالمرة وبجد ده كلام عيب عييييييييييب جدا ويقولك ان انا مجبيتش الكلام ده من عندى ده كلام الجرايد والبوليس فى جنوب افريقيا
والمفروض يا اعلامى يا محترم ان انت تدافع عن سمعه بلدك وولاد بلدك مش تتكلم بالطريقة دى ابدا عيييييييب والله بجد عيب لما الصحف العالمية تسمى منتخبنا منتخب الساجدين وحضرتك تقول الكلام ده عيييييييييب عييييييييييييب بجد
وانا بقولك اللاعيبه دى بجد لاعيبه محترمه ومتدينه وعارفة ربنا كويس وانا بشوف لاعيبه الاهلى فى النادى عندهم وكلنا عارفين سلوكهم زى ابوتريكة واحمد فتحى واحمد حسن وسيد معوض وغيرهم وبردو باقى لاعيبة المنتخب ناس محترمة وعارفة ربنا
وبجد يا لاعيبتنا ولا يهمكم من الحقير ده احنا عارفينكم وعارفين اخلاقكم وبنحبكم جدااااا وبنحترمكم جداااااااااا





Sunday, January 11, 2009

من روائع حماقى وأيمن بهجت قمر

حياتى وهو مش فيها سنين عدت رضيت بيها
وفاكر لو قابلت عينيه عادى جدا هاعديها
واديك ياللى افتكرت نسيت قابلتوا الليله واتهزيت
طب ازاى فى حاجات بتموت وتيجى الصدفه تحييها
وافتكرت لما جت عينى فى عينو سنينى معاه
وافتكرت وعد كان بينى وبينو زمان خدناه
وافتكرت مسكتوا فى ايدى وايدى خلاص سيباه
قصادى عيونو محتاره يقرب ولا يدارى
جه اليوم اللى اشوفوا انا فيه ومنتكلمش يا خساره
دى صعبه عليه واعمل ايه مفيش فى ايديه شئ تانى
خلاص اهو اسمى شفت عنيه عشان دى بجد وحشانى