قولولى مبروك وكل سنه وانتى طيبه هاتقولوا ليه؟هقولكم.اصلى جبت 94% وعديت من الثانويه العامه بعد عناء وارف وتقولولى كل سنه وانت طيبه عشان عيد ميلادى النهارده وللناس اللى طلبوا الحاجه الحلوه ان شاء الله هتوصل.بس فيه ازمه ان كان نفسى ادخل اعلام ونتيجتى تجيب ان شاء الله بس الناس كلها وماما وحته ابن عمتى خريج اعلام قالى السن
مستقبلها احسن وانا برده حابه الكليه دى .حد يقولى اعمل ايه انا محتاره
16 comments:
ألسن.. وشدي حيلك
الألسن ممكن تشغلك في المجال الإعلامي، وفي أفضل مكان فيه.
إنما الإعلام مش شرط تشغلك في وسائل الإعلام وحتبقي حصرتي مجالات عملك في نطاق ضيق
**
إلا إذا كان فيه حد ممكن يساعدك في الشغل.. واسطة يعني
:)
مبروك
السلام عليكم
اولا الف الف مبروك وقد انتهيتي من مرحله عقيمه في حياتك الدراسيه لتبدائي حياه اكثر نضج فمن رايي المتواضع ان تدخلي الكليه التي انتي لاقيه نفسك فيها وربنا معاكي بس المهم ماتكليش علينا الحاجه الساقعه
*ABDU BASHA
رايك مقنع يا عبدو باشا شكرا للمشاركه المجديه جدا بجد مرسيه وعلى فكره رايك عجب ماما جدا عشان هى قالت نفس الكلام
*محمد مفيد
الله يبارك فيك يا محمد وعندك حق انا خلصت من مرحله عقيمه جدااااااااااااااا والحاجه الساقعه موجوده بس ابعتلى العنوان
*ابراهيم
الله يبارك فيك يا دكتور وادعيلى ربنا يهدينى للخير
اولا مبرووووووووووووك ثانيا نصحتي انك تدخلي السن طبعا السن كليه ليها مستقبل كبير يعني ممكن تكوني مترجمه في شركه سياخيه و لو نفسك في المجال الاعلامي ممكن تتدخليه وانتي مترجمه في الحفالات الرسميه و المؤتمرات بيجيبوا متخصصين ترجمه و كمان ممكن تكوني مذيعه مترجمه و لو انها محتاجه واسطه جامده لكن اعلام اخرك هتتدربي في اي جرنال اواذاعه و يوعدوكي بالتعين و موت يا حمار و ده كمان بالوسطه فخديها من الاخر و ادخلي السن و ربنا معاكي
RASHA
الله يبارك فيكى يا رشا مرسيه وبرده ردك مقنع جدا وكلهم بيقولولى نفس الكلام.ادعيلى ربنا يهدينى للخير
اعملي قرعة والتالتة تابته :)
كل سنة وانت طيبة يا رضوى وبالمناسبة دي اهديلك اغنية من الثانوية للكلية ومعاها اغنية مخطوبة بتاعة نسرين -يظهر السخونة ماثرة عليا- بصي يا بنتي ع السن وشدي الرحال الى عين شمس وخدي جملك معاكي شوفتوا سيبت رضوى ف الشمس انهاردة ربع ساعة بمناسبة عيد ميلادها شوفتوا الصداقة :)
دودى
تجربتى فى الحياة بتقول ان الانسان هو الذى يحمل الشهادة وان التعليم مهمته الاساسية توسيع مدارك الانسان ومش كل انسان عنده لغة يقدر يبقى اعلامى ناجح يعنى انا مثلا منفعش اكون اعلامى رغم اللغة اللى بعرفها
كلية الاعلام حتعرفك اساسيات غير موجودة فى كلية الالسن ـ كلية الالسن حتكون زى كلية الصيدلة لواحدة عاوزة تبقى طبيبة لان كلية الصيدلة مهمتها خريج يعرف يركب الادوية لكن ميعرفش يشخص المرض وكلية الطب مهمتها خريج يعرف يشخص مرض ويعرفش يركب دوا
ارجو ان اكون وضحت الصورة شوية صغيرة وربنا يوفقك امين
جدو
رايك حلو و منطقى جدا ربنا يخليك لينا كلنا وشرفتنى والبلوج نور
دودي بجد مبسوط عشانك..
على فكرة شدي حيلك جامد ومش تنبهري بالحياة الجامعية في أولها.. ارفعي شعار المذاكرة هي الحل :)
وعلى فكرة ممكن تنزلي تدريب جرايد
في بعض الأماكن مش بيشترطوا إنك تكوني في اعلام.
ربنا يوفقك
شكرا على اهتمامك يا عبد الرحمن وشرفتنى بالزياره
عايزه اقولك حاجه انا دارسه اعلام ولسه متخرجه السنه دى كمان بس الاعلام مجال جميل جدا وخاصه الصحافه رغم صعوبتها بس بالنسبه للالسن هى لغه وبتاع الاعلام فى امس الحاجه ليها بس ممكن اى واحد معاه اعلام يكون صحفى كويس ومعاه لغه لكن مش كل واحد معاه السن ممكن يكون صحفى متمير غير كده كمان فى حاجه لازم تعرفيها انتى عايزه ايه وكمان قبل دا ما فيش عمل ولا شغل ولا حتى التدريب سهل زى ما انت متخيله انا مش بقولك كده اعقدك لا علشان تخدى بالك ومبروك على النتيجه واوعى حياه الجامعه تشدك ورفاهيتها لا كونى حذره
ألسن بجدارة , بس لو ناوية تشدى حيلك اوى فيها , هتلاقيكى بتتخطفى علشان تبقى مترجمة عند شركات كتير , لكن لو هتعملى زيى وتقضيها مقبول وجيد يبقى ادخلى إعلام لأنك لو ماشدتيش حيلك هتتساوى باللى معاهم اى كلية وخدوا كورسات عادى جدا , ولو عايزة تستفسرى عن اى حاجة تعاليلى البلوج واسألى وانا موجودة ، انا سماح رابعة ألسن ويارب اكون خريجة السنادى
الف مبروك على المجموع معلش التهنئة متاخرة اظن ان ربنا ازال حيرتك والاعلام اخذت من 95 فى المائة انا حصلت على 93,6 وجبت السن المنيا يعنى ناقص عن مجموع عين شمس بى 0,1 فى المائة بس الحمد لله نتيجة التحويل قالت انى قد قبلت فى السن عين شمس ولو كانت نتيجة التحويل جعلتنى اظل فى جامعة المنيا لذهبت لهناك لانى اقسمت بان لوكان هناك كلية السن فى اسوان بدلا من المنيا لذهبت ايضا باذن الله نصبح زمايل
الف مبروك على المجموع معلش التهنئة متاخرة اظن ان ربنا ازال حيرتك والاعلام اخذت من 95 فى المائة انا حصلت على 93,6 وجبت السن المنيا يعنى ناقص عن مجموع عين شمس بى 0,1 فى المائة بس الحمد لله نتيجة التحويل قالت انى قد قبلت فى السن عين شمس ولو كانت نتيجة التحويل جعلتنى اظل فى جامعة المنيا لذهبت لهناك لانى اقسمت بان لوكان هناك كلية السن فى اسوان بدلا من المنيا لذهبت ايضا باذن الله نصبح زمايل
انا جايب 96 % واخترت ألسن مع اني كنت اجيب سياسه واقتصاد واعلام بس سياسه محتاجة واسطه علشان الشغل ده لو فضلت البلد كوسه وده المتوقع اما بقي اعلام دي اللي ماليش فيها خااااالص وبحس انها كلية ملهاش لزمه انا اعرف ناس كتير فيها والتقدير العام فيها امتياز يعني كلية قمة في الهيافه وهيبقي زيك زي خريج اداب بالظبط بدون اي مميزات تذكر وعلي العموم صلي استخاره
انا خلصت 3ثانوي وجبت 94.2 وعايزة اعرف الافضل السن ولا تربية من حيث الشغل بعد كدة
Post a Comment