طبعا فى ناس اول ما هتشوف عنوان البوست هتفتكرنى هتكلم عن خيانه من صديق او من حبيب او اى موقف صعب تانى ممكن نقابله فى حياتنا بس انا قصدى باصعب احساس هو انتظار نتيجه الثانويه العامه!! محدش يفتكرنى بهزر بجد حاجه صعبه انى ابقى مستنيه نتيجه تحدد مستقبلى كله وطريقه حياتى احساس غريب ممزوج بالخوف والترقب والحيره احساس ربنا يعدينى منه على خير .بجد يا جماعه اى حد يقرا البوست ده يدعيلى ويدعى لكل اللى زيى واكيد ناس كتير منكم عاشوا الاحساس ده وحاسيين بلى بقوله.اسفه لو الكلام مش راكب على بعضه حاله الخوف والقلق مسيطره عليه .وربنا معانا كلنا
6 comments:
الى البنوته اللذوذه
اللهم وفقك لما يحبه ويرضاه
بصى بقى
3 بيبقى فيهم اصعب احساس
انتظار الغايب
الحوجه للنسايب
الولد الخايب
ان شاء الله خير وياخبر النهارده بفلوس بكره يرخص ان شاء الله
يا ماااااااااااماااااااااااااا
اناااااااااااا خايفة جدا جدا جدا من هنا لبكرة عندي يقين تام باني هجيب درجات زي الزفت تشاؤم رهيب
ادعولنااااااااااااااااااا يااااااااا رب نجيب اللي احنا عايزينه يااااااااااااا رب
طمنينى عملتى ايه؟؟؟
احساس رخم فعلا
وانعكاس لنظام التعليم المصري الفاشل
ابقي طمنيني عملتي إيه
يا ريت تكتبي عملتي ايه علشان نتمن عليك
والله طالما انتي خايفه يبقي هتنجحي لانها ظاهره صحيه
اما اصعب احساس قالمجال يطول شرحه والوقت لم يسمح
اتمني لكي النجاح وتجيبلي حاجه ساقعه
Post a Comment