Wednesday, August 16, 2006

الحب ....الكراهيه ....اللامبالاه


الحب ..... الكراهيه.....اللامبالاه
مشاعر انسانيه كامنه داخل الانسان ربما يهرب من حقيقه وجود اى منهم داخله ولكن كل منا بداخله هذا المشاعر
واذا دققنا النظر فى معنى كلا منهم نجد ان الفرق بينهم خيط رفيع جدا فمن الممكن ان يتحول الانسان الى اى منهم فى وقت قصير
قد يتعجب البعض من كلامى وقد لا يقتنع به البعض الاخر ولكن من واقع ما رايته وعشته وعاصرته استنتجت هذا
الم يقع انسان فى الحب من اول يوم تقع عينيه على من يحب ويعيش فى قصه حب رائعه ويتحاكى بها الناس وربما تتوج بالزواج والاطفال وتظل قصه الحب مستمره لوقت طويل
اليس من الممكن ان يتحول هذا الحب الى كراهيه او الى لامبالاه؟
ولكن كيف يحدث لك؟
وما الذى يجعل المشاعر تتبدل وتتغير على هذا النحو؟
المشاكل التى تعترض حياه اى انسان
الغدر او الخيانه من احد الطرفين
ربما تكون هذه الاسباب ولكن هناك حقيقه يغفل عنها الكثيرين وهى ان كثره الحب من الممكن ان تتحول الى لامبالاه من كلا الطرفين
والحب ايضا من الممكن ان يتحول الى كراهيه وصدقونى ابشع انواع الكراهيه هى التى تكون بعد حب كبير
وهناك دليل اخر على وجود هذه المشاعر داخلنا وهو
اليس من الممكن ان يعيش الانسان هذه الاحاسيس فى وقت واحد
فمن الممكن ان يحب ويكره ولايبالى ليس شرطا ان تكون كل هذه المشاعر موجهه لشخص واحد ولكن يمكن الجمع بينهم
الا يمكن ان يتحول الحب الى كراهيه او الى لامبالاه او قد يحدث العكس
ان الفاصل بين هذه المشاعر ليس كبيرا حتى يتم التفريق بينهم ولكنهم متشابكين داخل نفس الانسان ولا يمكن الفصل بينهم
ملحوظه
الصوره اللى انا حطاها دى انا واخداها من عند الباشمهندس محمد صاحب مدونه وعد العيون معرفش انا اول ما شفت الصوره دى جه فى دماغى الكلام ده بجد صوره رائعه وليها معانى كتير

24 comments:

Anonymous said...

هييييييييييييييه أول كومينت
بصى يا ستى أنا طول عمرى مفتنع أن الانسان جواه مليون نسان تانى بيتحول مع كل موقف الى شخص أخر شئ طبيعى يعنى مع الحبيب طيب ورومانسى ومع والديه قليل الأدب لألأ بهذر بيبقى محترم نفسه شويه وفى الخناقه بيبقى وحش وفى الجبهه وساعت الحرب يعنى ما أحنا بنكره الزمالك وبنحب الاهلى برده فى نفس الوقت

Gid-Do - جدو said...

Dody
علشان متحطيش وشك فى الحيطة
فية اتنين روابط مرفقين واحد اتعلمت منه اللغة المستعملة فى كتابة المدونات
http://www.w3schools.com/html/
وسهل للغاية والتانىـ انقلى السطرين مع بعض ـ علمنى ارقام الالوان
http://www.w3schools.com/
html/html_colornames.asp
بعد ماعرفت الاساسيات بقيت
لوعجبتنى مدونة اتبع هذة الخطوات فى الصفحة الرئيسية
Go to View > Source
a window will open
فية الكود بتاع المدونة كلها تقدرى تنقلى اللى عاوزة من اى حد مش معنى كدة اننا نسرق اللى كتبينة الناس انا اقصد الكود مش المواضيع
دلوقت اروح اقراء اللى انتى كتباة عن الحب والبطاطس وبعد كدة اقول طعم الطبيخ ازاى ومتنسيش ان اقصر الطرق الى نفوخ الرجالة اكلة يحبوها تجيب داغهم طوالى

Gid-Do - جدو said...

dody
جدو تانى مرة قريت المقالة وادى النتيجة اللى وصلت لها بعد تفكير غميق
الصراحة صراحة عضة الكلب ارحم من عضة الحب والحمد لله انا دلوقت برة الملعب قاعد مع المتفرجين او زى معازيم الفرح اكل وتريقة

Nouran said...

حرام عليكي يا رضوى انت عارفة ان الموضوع ده بالذات يتعذر عليا قرايته اصلا وفهمه بعد ما اقراها بس ضميري تجاه الصداقة خلاني اقراه
ايوه كدة انت جبتي المفيد الغدر والخيانة بس ع فكرة دي مش مشاكل دي حاجة مفروضة ف عالمنا وممكن ناس تستغلها وناس لأ
نسيتي حاجةو من الحب ما قتل يا انسة :)

أجدع واحد في الشارع said...

جميله



اوووى




ومعبرة اكتر





وضحه جدا

بصراحه
مفيش احسن من كده

والصورة جامده اوووووووى

مداح القمر said...

موضوع خطير وسبحان الله لسه كنت سهران مع واحد صاحبى وبكلمه على الموضوع دا...الكراهيه اللى بعد حب...فعلا هى اسوأ انواع الحب ..ورأيي ان اهم نقطه تخللى الحب يتحول لكراهيه هى فقدان الاحترام....الاحتراااااااااااااااام..وكل شىء ح يرجع زى الاول واحسن
وبمناسبة الكراهيه من بعد الحب..وان دلوقت بكره وعد العيون عشان ماقالش ان الصوره دى من عندى..بعد ما حبيته من كل قلبى)):

el_assel said...

هــــــــــــــاي
انا اكتر حاجة مقتنع بيها هــي الكلمة اللي انتي قولتيها
ابشع انواع الكراهية هي اللي كا قبلهاحب
واساليني انــــــــــا
hope 2 visit my blog

DoOoOoOdY said...

* wa3d el3yoon
هيييييييييه انا مبسوطه انك اول كومينت والله انا برده مقتنعه ان الانسان جواه مليون واحد تانى جواه والمثال بتاع الاهلى والزمالك ده عجبنى اوى

*جدو العزيز
خلاص يا جدو العزيز انا مش هاحط وشى فى الحيطه تانى انا عرفت ايه الغلط اللى بعمله وان شاء الله اصلحه فى المدونات الجايه طب قولى نصيحه بقى يا جدو للى لسه جوه الملعب نعمل ايه

*nouran
صحيح يابنتى ومن الحب ما قتل معلش يانوران اتعلمى بقى انا مستعده اديكى درس خصوصى

*ابن الشارع
بصراحه مش عارفه اقولك ايه مرسيه على كلامك ده وفعلا الصوره جميله جدا

*snowmans feelings
الاحترام ده اهم حاجه فى اى علاقه بين الاشخاص
انا ميرضدنيش انك تكره وعد العيون خلاص يا دكتور خليها عليه المره دى

* el_assel
انا مقتنعه بالموضوع ده جدا وان شاء الله ازور البلوج بتاعك فى اقرب وقت وشرفتنى

Gid-Do - جدو said...

dody
انا كنت قاعد ساكت انتى اللى جنيتى على نفسك وطلبتى النصيحة ـ بعد الانجعاصة والنحنحة وكل الاجراءت اللى تبين ان المتكلم فيلسوف الغبرة وانة بتكلم فى التليفزيون بتاع الحكومة ـ
تحول المشاعر من اليمين الى اليسار والحب اللى يتحول الى كراهية اعتقد انة بيكون فى فترة عمرية محددة وهى فترة المراهقة وبداية الشباب فهى فترة تحدث فيها تغيرات كبيرة فى التركيب الوظيفى للجسم وطبعا المخ ووظايف المخ اللى هى جزء من وظايف الجسم تتاثر بهذة التغيرات والهرمونات التى تفرزها الغدد الصماء هى المسؤلة عن هذا التحول بعد تمام النضج وخمود ثورة الهرمونات يعود السلام الى الجسد ويبدء هذا النوع من التغير المزاجى العنيف فى الاعتدال الحكاية كلها مسائلة وقت وكل بنى ادم مر ابو بيمر او حيمر بهذه المرحلة فلا داعى للقلق المشكلة ان فية بعض الناس بتوقف فى المرحلة هذة فترات طويلة ودة بيبقى محتاج استشارات نفسية ـ خلص وقت البرنامج وادرك فيلسوف الغبرة الصباح فسكت عن الكلام المباح والديك يدن

Anonymous said...

بعد أزنك يا دودى الاخ Snowman`s feelings بيكرهنى طظ .
روح اجرى ياله مححسسنى انك اللى راسمها مع انك عارف أنى ممكن أرسم أحسن منها وبعدين أنت ماقولتليش الصوره دى أنت خدتها من مين؟؟؟

أم أحمد said...

فعلاًالحب ممكن يتحول لكراهية ولامبالاة وخصوصاًلو الواحد كان بيحب اوي وجرحه حبيبه اوي بس بجد مقالة كلامها واقعي

karakib said...

حلوه المشاعر دي

DoOoOoOdY said...

* جدو العزيز
شكرا ياجدو كلامك ده بيكمل الكلام اللى انا كتباه

* wa3d el 3yoon
انا بره الحكايه
دى مش مهم مين اللى جاب الصوره المهم انها حلوه

* sahar
مرسيه على كلامك

* karakib
وحلوه زيارتك ليه مرسيه

مـحـمـد مـفـيـد said...

من وجهه نظري ان العنوان معبر جدا
بوست رائع

Dr. Tantawy said...

كلامك جميل اوي يا رضوى و معبر جدا بجد
الصوره حلوه لكن خياليه شويه :) الواحد مهما حب بني آدم و ارتبط بيه ..يقدر بسهوله جدا ينهي كل شيء اذا الطرف التاني جرحه او ابعده بطريقه مستفزه او كده

ربنا معاكي .. و عايزين نعرف اخبار الكليه ايه اول لما تبتدي تروحي و تنتظمي .. عايزين مراسل اخبار متنقل من الكليه ههههه

سلاااااااااام

DoOoOoOdY said...

* محمد مفيد
مرسيه يا محمد ويارب تكون خرجت من الحاله اللى كنت فيها

* epitaph
اه والله ربنا يستر يا جوجى

*zangolaa
طبيعى ان الفن يكون فيه شويه خيال لكن ده ميمنعش ان اللوحه معبره جدا
اوعدك هابقى مراسله قطاع الاخبار من داخل جامعه القاهره

DoOoOoOdY said...
This comment has been removed by a blog administrator.
Gid-Do - جدو said...

دودى

انت فين؟

اذا كنتى موجودة مش بتصيفى روحى مدونة

باب مردود

واعملى اللازم

Anonymous said...

فعلا صورة جميلة و معبرة

بس الغريب إن القلب فى الشمال مش اليمين , و من هنا نسأل نفسنا هل ده مقصود من اللى رسم الصورة وللا دى غلطة مخدش بالو منها ؟؟؟

لو كانت مقصودة فــ ده معناه حاجات كتير أوى ، حاجات صعبة و حاجات قاسية و حاجات حزينة و حاجات مطمئنة

regards,
2H

not crazy said...
This comment has been removed by the author.
not crazy said...

لو سالتنى لقلت ان القرب من المحبوبة اشبه بالجلوس في التكييف في يوم شديد الحرارة .. وأشبه باستشعار الدفء في يوم بارد ..لقلت هي الألفة ورفع الكلفة وأن تجد نفسك في غير حاجة الى الكذب .. وأن يرفع الحرج بينكما ، فترى نفسك تتصرف على طبيعتك دون أن تحاول أن تكون شيئاً آخر لتعجبها .. وأن تصمتا انتما الاثنان فيحلو الصمت وأن يتكلم احدكما فيحلوا الاصغاء.. وأن تكون الحياة معاً هي مطلب كل منكما قبل النوم معاً .. وألا يطفئ الفراش هذه الأشواق ولا يورث الملل ولا الضجر وإنما يورث الراحة والمودة والصداقة ..وأن تخلو العلاقة من التشنج والعصبية والعناد والكبرياء الفارغ والغيرة السخيفة والشك الأحمق والرغبة في التسلط ، فكل هذه الأشياء من علامات الأنانية و حب النفس وليست من علامات حب الآخر ..وأن تكون السكينة والأمان والطمأنينة هي الحالة النفسية كلما التقيتما ..وألا يطول بينكما العتاب ولا يجد أحدكما حاجةً إلى اعتذار الآخر عند الخطأ ، وإنما تكون السماحة والعفو وحسن الفهم هي القاعدة ..وألا تشبع أيكما قبلة أو عناق أو أي مزاولة جنسية ولا تعود لكما راحة إلا في الحياة معاً والمسيرة معاً وكفاح العمر معاً .ذلك هو الحب حقاً ..والمشكلة أن يصادف الرجل المناسب المرأة المناسبةوذلك هو الحب في كلمة واحدة ..التناسبتناسب النفوس والطبائع ..قبل تنافس الأجسام والعمر والثقافات

not crazy said...

موضوع جامد صورة جامده جدا انت بارع

Anonymous said...

بجد كل كلمه فى الموضوع ده انا حستها
لدرجه انى اتمنيت الموت ارحم
من العذاب النفسى اللى انا عايش فيه

Anonymous said...

انا حبيت وياريتني ما حبيت نصيحة لكل بنت اهلها قاسيين ما تدخليش في اي مجال فيه صبيان او حتي ما تدخليش اي حاجة فيها صبيان ولا درس ولا معهد ولا مدرسة بجد اصعب حاجة ومؤلمة جدا انك تسيب حبيبك وانته محتاجه اكتر من نفسك ابعدوا عنهم اصعب حاجة تحبي حد او حتي توعجبي بيه بجد ابعدوا عن الصبيان خطر كبير يهدد كل بنت