امبارح والنهارده وبكره وكل يوم
هى ايه الحياه حبه امل حبه جنون
امبارح والنهارده وبكره وكل يوم
هى ايه الحياه حبه امل حبه جنون
يوم مليان فرح ويوم مليان دموع
ويوم فوق القمر ويوم وسط الشموع
ايام جايين نعيشها بكل لحظه فيها
وكل ما تنتهى غنوتنا نبتديها
وتدور الدنيا بينا ويجرى مهما يجرى
وكل نار تطولنا بنخرج منها اقوى
هى ايه الحياه هى حبه تحدى لو عندك اد عندى
وردك نفس ردى هنقدر على الحياه
وتدور الدنيا بينا ويجرى مهما يجرى
وكل نار تطولنا بنخرج منها اقوى
هى دى حياتنا متلخصه فى كلمتين الحياه فيها فرح وحزن , حب وكره ,موت وحياه
عزيمه واستسلام ,قوه وضعف, سلطه ومال ونفوذ
والشاطر بقى اللى يقدر يعدى كل الصعوبات ويعيش حياته بحلوها ومرها ويستمتع بكل لحظه فيها
27 comments:
ماشي مكتبتيش عن الشيت اوووك
ومن صعوبات الحياة العملية انك تحل الشيت لوحدك من غير ما تعلط ولا غلطة :)
الله عليك أنت ما تعرفيش أنا بجب الاغنيه دى أزاى كل ما فيها الكلامات على وجه التحديد جميله أوى
الحن بتاع الاغنيه أجمل لحن عمله تامر حسنى فعلا
والفيلم ومعنى الاغنيه الموضوع كله كده ميه ميه
* نورا
هههههههههه معلش يا نور نسيت
ربنا معاكى فى الشيتات
* الباشمهندس محمد
فعلا الاغنيه رائعه واللحن حلو والفيلم تحفه وتامر يجنن
؟هى ايه الحياه
لو كنت أعرف كنت أقول
فعلا يوم فرح و يوم حزن
يوم تظبط في امتحان الفيزيا
و تنقلب عليك المواجع في الكيميا
و لما تظبط في العربي
تبقى الحالة زفت في الجيولوجيا
الأغنية دي بتعبر عن مشاعري و الله
حرام عليكي قلبتي علينا المواجع
* romil
عندك حق فعلا
هى ايه الحياه؟
من اصعب الاسئله اللى ممكن تقابل الانسان ف حياته
* محمد فوزى
معلش يا محمد وسورى انى قلبت عليك المواجع
هى دى الحياه
حلوه يا دودى
بس على فكره الشاطر لازم
يقع علشان يحس
ويقدر يعيش الحياه حلوه
ولا ايه رايك
وخللى بالك ما يقع الا الشاطر
وشكرا
* سلطان الخواطر
عندك حق والله
وصحيح ما يقع الا الشاطر
ميرسيه ليك
فعلا هي دي الحياه بس عشان تعرف تعديها لازم نعرف انها ولا اي حاجه مجموعه من المراحل اللي ورا بعضها وهتخلص فيوم من الايام
وعلى فكره الشيت مكانش صعب اوي ذي مانوران كانت بتقول
هي بس كانت عايزه تحله كله لوحدها بدون اي مساعدات ملزميه
* mestka
صح يا ميويا فعلا الحياه مجموعه من المراحل بنعدى بيها
ههههههههههه انا غلبت من الشيتات بتاعتكم دى
نيس بوست..وربنا يجعل ايامك فرح..
* batrsya
ميرسيه يا جميل
الكلام مليان تفائل جامد...اللى عاجبنى فيها انها حبة تحدى ولو عندك اد عندى هتقدر على الحياه
hii dodyy:
u r right.f3lan el 7yah kda we 2ktr mn kda.2na r2yy 2n el donya 2t3'yrt kteer 3n zmaan hoa ll27san tb3an bs b2t zy 2l 3'aba el bka2 ll2kwa.....
هي ايه الحياة؟
تصدقي سؤال صعب اوي الاجابة عنه بس مش عارفة ليه مش قادرة الاقي كلمة تعبر عن الحياة زي ماانا حساها
بس الحياة اختبار وتجارب ومراحل
شوية فرح وشوية حزن زي الاغنية مابتقول
بس الاكيد انها فترة اختبار او مذاكرة عارفة انتي الفترة اللي بتبقي قبل الامتحانات
لو ذاكرتي هتعدي الحياة كده كلنا مستنين الامتحان الكبير
فاهمة قصدي ؟
ع فكرة يادودي عندي كام ملحوظة كدة متواضعين عن مدونتك
ده لو حبيتي تنسمعيهم
* مداح القمر
فعلا يا احمد الكلام مليان تفائل والكلمات حلوه جدا ومعبره
* mr.vampire
صح البقاء للاقوى هو ده شعار الدنيا بس ميبقاش القوى ده اللى بيخالف الدين والقانون عشان يبقى قوى دى اهم حاجه
* نورهان مفيد
طبعا فاهمه قصدك يا نورهان
وانا مستنيه الملاحظات
انا بحب اعرف رأى الناس وخاصه لو كان نقد ........مستنيه ملاحظاتك بس متتاخريش عليه
هــــــــــــــاي دودي
اولا عايز اقولك ان لو في حد يعرف يعني ايه الحياة ما كانش للحياة طعة حلاوة الحياة في غموضها ما تبقيش عارفة انتي عملتي كده ليه امبارح وحتعملي ايه بكرة
ثانيا : انتي اسلوبك جامد جدا واحلي حاجة في المدونة بتاعتك هي الصورة اللي انتي حطها
أعتقد ان الصورة دي معروفة
مع تحياتي
الصراحه الكومينت اللى عايزه اقوله انه no comment
بعد الكلام الجامد ده
انت مش هتكتبي حاجة يا بنتي ولا ايه؟؟
بصي طلبت معايا رخامة بقى انت فين
عيلة تايهة يا ولاد الحلال بنت اسمها رضوى ف كلية اعلام جامعة القاهرة اللي يلاقيها يسيبلي خبر عندي ع البلوج يعني ماااشي
اية يا بنتى دة !!!
انتى شاعرة او فيلسوفة و انا معرفش !
يا نهار ابيض امال معاكى كل يوم فى الكلية ازاى مش عارفة؟
بس بجد سؤال صعب هى اية الحياة ؟
احيانا بنحس انا الحياة حلوة جدا زة محاضرة العلاقات العامة
و احيانا بنحس انا حياة صعبة زى محاضرة الاجتماع
بس بجد هى عبار عن مرحلة و بتنتهى الى ما هو لا نهاية
بس بجد كلام جميل مرسي
رونا
خليني اسألك الاول
انتي يوم مافكرتي تعملي مدونة
كان ايه الهدف الرئيسي يعني فكرتي في ايه حسيتي انك لازم تعملي مدونة
يعني باختصار ايه هدفك من مدونتك يمكن لما اعرف هدفك الاساسي مايكنش لملاحظاتي لازمة
معلش يمكن اكون بضايقك بس بجد عايزة اعرف
وبعدين انتي ليه مش يتعلقي عند عبدالله بن محمد مش راجل وعنده مدونة ولا عشان متمش سنتين يعني الراجل بدماغه برضه مش بسنه
وبعدين كله الا عبدالله ده ابني يادودي مش بس بن اخويا هستني تعليقك عنده وتشرفينا بزيارتك لمدونه بودي
* الاصيل
كلامك جميل جدااااااا
والصوره طبعا معروفه لانى واخداها منك
* tweety
ميرسيه على التعليق الجامد ده يا نورهان
* نورا
ايه يا بنتى اللى انت عملاه ده؟
هههههههههههههههه
يخرب عقلك
* رونا
يا سلام عليكى والله انا اتبسط اووووووووى لما علقتى عقبال باقى الشله
وعقبال ما تعملوا بلوجات
وشفتى بقى المواهب المستخبيه ههههههههه
* نورهان مفيد
انا عملت البلوج ده يا نور عشان اطلع الحالات اللى كنت بكتبها وبحتفظ بيها لنفسى يعنى انا مش عملاه عشان رساله معينه
اما بالنسبه لبودى فطبعا هازور بلوجه وهاسيب تعليقات كمان
* الاصيل
كلامك جميل جدااااااا
والصوره طبعا معروفه لانى واخداها منك
* tweety
ميرسيه على التعليق الجامد ده يا نورهان
* نورا
ايه يا بنتى اللى انت عملاه ده؟
هههههههههههههههه
يخرب عقلك
* رونا
يا سلام عليكى والله انا اتبسط اووووووووى لما علقتى عقبال باقى الشله
وعقبال ما تعملوا بلوجات
وشفتى بقى المواهب المستخبيه ههههههههه
* نورهان مفيد
انا عملت البلوج ده يا نور عشان اطلع الحالات اللى كنت بكتبها وبحتفظ بيها لنفسى يعنى انا مش عملاه عشان رساله معينه
اما بالنسبه لبودى فطبعا هازور بلوجه وهاسيب تعليقات كمان
السلام عليكم
الله عليكي
بس خليكي جدعة و شيلي الصورة دي علشان بتعصب:)
سلام
* no fear
ليه بس بتتعصب ده انا لسه هاحط صوره الاهلى كمان
Post a Comment