عنتر ده اسم محل صغير موجود فى شارع أحمد كامل فى فيصل المحل ده بمجرد ما بعدى من قدامه بحس بطوفان من الذكريات
بالصدفة النهارده كنت بره انا ومامتى ووقفت قدامة عشان ماما كانت بتشترى حاجة من محل قدامه فضلت قاعده فى العربيه ابص على المحل اللى تفاصيله متغيرتش من ساعه ما كنت طفله وحسيت بسعاده مش طبيعية وانا بفتكر نفسى و انا صغيره يوم الجمعه لما كنت بخرج مع بابا ونقف عند المحل ده وبابا يشتريلى شوكولاته كورونا " كنت بحبها اوى وانا صغيرة" والبتاعة اللى فيها صابون دى اللى بتطلع بلالين وكل الحاجات الحلوه اللى بحبها من شيبسى وعصير وخلافه
مش عارفه حسيت انى عايزه انزل أجيب اى حاجه من المحل حسيت انى عايزه ارجع طفولتى تانى .... نزلت من العربيه وروحت قعدت اشترى حاجات كتير اووى وفضلت ادور على الشوكولاته الكورونا بس يا خساره ملقتهاش وانا واقفه بشترى الحاجات دى لقيت طفله صغيره جاية مع جدها وعمالة تقولوا يا جدو عايزه شوكولاته مش عارفه حسيت فى لحظه انى شفت نفسى بجد وانا صغيرة فى البنت دى وحسيت احساس مش طبيعى حسيت انى رجعت طفلة عايزه تلعب وتجرى وتشد باباها عشان يجبلها شوكولاته ولعب
يااااااااااااااااااااااه نفسى ارجع طفله تااااااااااااااااااااااانى واحشنى اووووووووووى الاحساس ده
6 comments:
اشتقتي زيي لاحساس البراءة في عالم انعدمت فيه البشرية والحب ومعاني الانسانية
طبيعي نحن لذكرياتنا عشان كنا عايشين الدنيا ببساطة وبسعادة مكنش فيه صعوبة زي دلوقتي
:)
aywa wallahi bgd zaman 7ayatna kant baseta w shala w maknsh 3andena mashakel wala hmom zay now
كانت نفس طقوسى وانا صغيرة اخرج مع بابا يوم الجمعة اشترى حلويات وكمان شوكلاتة كورونا اللى لسه بحبها لغاية دلؤتى:)
كـُلنا نشتاق الى ايام
لم يملك ذهننا سوى البراءة
ولم يجمل وجوهنا سوى ابتسامة صادقة
دون مجاملات
ولا تواري خلفها حزن ما
وتخبئ ألف دمعة ودمعة
ليت الطفوووووولة تعود يومــــا
تحيااتي
سارة
* موناليزا:
ياااااااااه بردو كوونا دى كانت شوكولاته جيلنا :):)
طيب ابعتيلى واحده بقى عشان انا دايخه عليها :):)
*ساره جبالى
بجد حلو اووووووووى الكلام اللى انتى كاتباه فى الكومينت
وفعلا بجد ياليت الطفولة تعود يوما:):):)
Post a Comment