لو عايز تروق اعصابك ........ روح الازهر بارك
بجد مكان جميل اوووووووى الخضره والهواء النضيف
والبحيرات والشلالات اللى عملينها
قمه فى الرووووووعه بجد مكان يهدى الاعصاب
وتحس كده انك حصلك refresh
واجمد مكان بقى حديقه الاطفال اللى عملينها فيها
اتجننت انا ومى واتمرجحنا على المرجيحه
بجد كنت مبسوطه اوووى
كنت حاسه انى رجعت طفله تانى
بجد مكان رووووعه بصرف النظر عن مناظر ال couples
المستفزه الا ان المكان بجد يجنن
عايز تروق .. تفوق .. تغير جو قبل قرف الامتحانات
روح الازهر بارك
6 comments:
يعنى على ضمنتك انا فعلا محتاج مكان هادئ عشان الفتره اللى فاتت ماكنتش مظبوطه والطبيعى ان الفتره الجايه فتره امتحانات وحتبقى حاجه ميه ميه
بس جميل يا رضوى اعلان دريم بارك ده خلتيه أزهر بارك
يا رب الاهلى يعمل عرض بكره عشان بجد مصايب الاهلى كترت الفتره الاخيره وخصوصا موضوع بركات وأحمد فتحى
ربنا يستر
طبعا انا بهنى نفسا كالعاده بأنى اول كومينت
هههههههههههههههههههه
* محمد باشا
ايوووووووووووه على ضمانتى مكان رائع بجد
وربنا يستر بقى على الاهلى بجد لحسن فعلا المصايب بقت كتير اوووووى :( بقت حاجه وحشه اوووووووى
ايه ده روحتي الازهر بارك من غير ما تقوليلي:(
انا كنت عايزة العب واتمرجح انا كمان لااااااا ده خياااااااااااااااااانة حرام عليكي مستخسة فيا مرجيحة ولا حتى اني العب كهربا:)
مش مشكلة المهم تكوني اتبسطي
احنا عندنا السرساويه بلازا واعتقد الحاج محمد وعد العيون يعرفها
بس والله انا كسبت معلومه جديده ومضمونه منك باذن الله لو فيه فرصه مش ح اضيعها و اروح الازهر بارك
* نورا
انا قولتلك وانتى كل شويه تقوليلى مكسله
بس والله اليوم كان ناقصك تتعوض بقى ان شاء الله مره تانيه
* مداح القمر
بجد والله مكان يريح الاعصاب الخضره والهواء النضيف حاجه متعه
على ضمانتى روح
Post a Comment