س: ايه ده هو ممكن الذكاء يبقى نقمه؟
ج: اه طبعا؟
س: ازاى يعنى؟
ج: الذكاء بيكون نقمه على صاحبه لما بيكون ذكائه ده مخليه يفهم اللى قدامه؟
س: ازاى يعنى؟؟؟؟؟
ج: يعنى ممكن ذكاء الانسان يخليه قارئ الشخص اللى قدامه ويقدر يفهمه ويفهم هو عايز ايه؟
س: وهو ده عيب؟؟؟؟ دى ميزه طبعا
ج: لا عيب وعيب صعب اووووووى كمان
س: ليه بس؟
ج: لانك بتتعب من كتر ما انت فاهم الناس وفاهم انهم بيضحكوا عليك او بينفقوك او بيستهبلوك وبتتعب من انك فاهم كل حاجه وفاهم الشخص اللى قدامك ده كويس جداااا
س: عندك حق فعلا الذكاء فى الحاله دى بيبقى وحش اووى
ج: فعلا واسأل مجرب
فعلا يا جماعه الانسان اللى بيبقى عنده القدره على قرايه الناس ده بيتعب اووى وبيجيلوا حالات اكتئاب من كده
ودماغه كمان بتتعب اوووى لانه بيقعد يفكر فى كل حاجه واعصابه كمان بتتعب اووووووى من كتر حرقه الدم والتفكير المتواصل
بجد الذكاء ده ممكن يبقى نقمه على صاحبه
......................................................................
ادعولى
يا جماعه ادعولى لان انا امبارح كان عندى الانترفيو بتاع قسم الاذاعه وخايفه اووووى ما تقبلش فى القسم ده لانى بحب القسم ده جدااااااا ولسه النتيجه هتتطلع اول شهر8 ادعوووولى وادعو لكل اصحابى اللى مستنين نتيجه الانترفيو ده
28 comments:
تاني مره انا الاول
المفروض بقي جايزه
:)
الذكاء عمره ما كان نقمه ولكن العيب فيما يفهم ويستغل هذا الذكاءفي غير مسلكه
انا بصراحة مختلف معاكي
بس الموضوع عجبا اوي
والذكاء مش عيب ده ميزة في الناس
وربنا معاكىىىىىىىىىىىىىىىىىىىىىى
ان شاء الله هتعدى ومادمتى انتى خايفه كده يبقى خير ان شاء الله
هما يعنى هيلاقوا احسن من دودى فين
------------------------
وبعدين بالنسبه لموضوعك ان واجهت الموضوع ده كتير يعنى ساعات بتعب من انى فاهم ان اللى ادامى بيضحك عليه
بس ده مش عيب اوى لان على الاقل انا عارف انه بيضحك عليه
احسن ما اتفاجىء
--------------------------
وبعدين انتى عجبك اللى عمله احمد فيه ده
ان شاء الله كمان يومين بس كده
قناه الجزيره هتزيع اللى انا ناوى اعمله فيه
هههههههههه
وفى النهايه سلامى وربنا يوفقك
وان شاء الله هتنجحى ومانسيش الحلاوة
اولا باذن الله هيقبلوكى ياجميل وبعدين الخوف اساس النجاح وطالما انتى قلقانه وخايفه يبقه باذن الله هتتقبلى انتى وكل اصحابك باذن الله
ثانيا انا اختلف معاكى فى رايك لان الذكاء دة عمرو ماكان نقمه بسالانسان هو اللى مش بيعرف يستخدم ذكائو صح فى بعض الاوقات عشان كدة بيتعب جدا
تحياتى لكى
* محمد مفيد
ياااااااا حظى محمد تانى مره اول كومينت عندى :)
بس يا محمد والله الانسان اللى بيبقى فاهم الناس اوى ده بيتعب
* ابراهيم عز الدين
اختلاف الرأى لا يفسد للود قضيه
وميرسيه على الدعوه الحلوه دى
* الساحر
ياااااااااااارب يا خالد اتقبل
صح ممكن ميكونش عيب اوووى بس بيتعب اوووى
هههههههههه وبالنسبه للحرب بقى عايزين ايه حرب جامده جداااا ونشوف بقى مين اللى هيلغب فى الاخر
* ام عهد
ياااااااااارب يا ام عهد
ممكن بردو يا ام عهد ان استخدام الذكاء استخدام مش صح بيتسبب انه بيبقى عيب مش ميزه
قدسما قال احد الشعراء الغلابة
ذو العقل يشقى في النعيم بعقله
وأخو الجهالة في الشقاوة ينعم
بالتأكيد ان العقل يورث صاحبه الهم والشقاء لانه ينشغل بما حوله
اما الجاهل فهو لايكلف خاطره بالتفكير فيمن وفيما حوله ويعيش في لامبالاة ولهذا نجده مرتاح البال
ان شاء الله هيقبلوكي متقلقيش
وبالنسبه لموضوع الذكاء ده ففي حكمه بتقول من الذكاء ان تتغابى بعد الوقت يعني مش لازم الواحد ياخد باله من كل حاجه عشان يستريح
مستنينك يوم الخميس (:
* bella
بعد كلامك مقدرش اقول كلام
نورتينى
* mestka
ياااااارب يا مى يقبلونى
عندك حق يا ميوى والله من الذكاء ان تتغابى فى بغض الاوقات حلوه اوووى دى
وان شاء الله اجيلكم يوم الخميس
ربنا معاكي يادودي
وطول ما أنتي خايفة كده وقلقانة هتنجحي بأذن الله
ربنا معاكي أنتي وكل أصحابك
الذكاء عمرة ما كان نقمة يادودي بصفة عامة وده مش موضوعنا
أنا فاهمة قصدك وطبعا أنا معاكي لو الذكاء ده طول الوقت بيخلينا نعرف نكتشف الكدب والخداع والزيف
يبقي صعب بس في نفس الوقت مفيد
يعني سلاح ذو حدين
أه أتوجعتي لما عرفتي بكدب اللي قدامك
بس هتتبسطي بعد كده عشان
متثقيش فيه
صح ولا أنا هيست
السلام عليكم
علي فكره الذكاء في الحاله دي مش وحش خالص
بس في الحاله دي لازم تقفي من بره الموقف
يعني وانتي مع الشخص اللي بيضحك عليكي ده او بيستعبطك تعملي عبيطه جدا كانك مش فاهمه
بس من بره الموقف تتفرجي عليكم انتم الاتنين
صدقيني شعور رائع انا شخصيا بحبه
وعموما لما يستعبطوكي وانتي فاهمه احسن من لما تكوني مش فاهمه
تحياتي
مهند المصري
اتاخرت فى الرد شوية ..يمكن كان حظى وحش ..انى لسه عارفة المدونة دى دلوقتى ..بجد يا دودى بتفكرينى بايام الشباب ..ايام القلق على دخول الكلية وهدخل قسم ايه وهعمل ايه
مدونتك بريئة ولزيزة
مش بقولك بتفكرينى بايام الشباب
انا دخلت مدونتك مخصوص علشان صورة وينى ذابوو ..اصلى كنت بحبه قوى زمااان :)
----------------------------------
الذكاء مش نقمة على فكرة ولو تحول لنقمة يبقى علشان اللانسان الذكى ده فيه لمحة غباء ..دى وجهة نظرى ...لو كان زكى ما كانش تعب من انه بيفهم الناس ..لا، كان قدر يستفيد من ذكائه ده فى تعامله مع كل واحد زى ما هو فاهمه
يمكن رايى غلط ...بس انا شايفة ان كل واحد فيه نسبة ذكاء ونسبة غباء ..
ولا ايه يا دودى ؟
* نورهان مفيد
يااااااااارب يا نور
ههههههههه وفعلا كلامك صح مهيستيش ولا حاجه
* mohand
وعموما لما يستعبطوكي وانتي فاهمه احسن من لما تكوني مش فاهمه
صح الكلام يا مهند
* عابره السبيل
اولا ميرسيه اوووووووى على كلامك الجميل ده وانا يشرفنى انك شرفتينى
وطبعا كل واحد مننا بيبقى عنده نسبه ذكاء ونسبه غباء احنا فى الاول وفى الاخر بشر
alzka2 msh 3eb lkn so2 ast3'lalh howa al3eb..a3tkd any mn alno3 aly mmkn yfhm aly 2damh kois awy..wbgd btb2a 7aga tdai2 lma tb2a 7ass an aly 2damk dh byd7k 3lek aw by7awl ynafkk waly ydai2 aktr lma tktshf ank s7..bgd 7aga tdai2 l2ny aktshft ygy 100 wa7d kda alsnady
الذكاء نقمه بس الغباء نقمه أكبر على الاقل الذكاء ممكن بالكتير يضر صاحبه ومش ديما بس الغباء يضر كل اللى حوليه ويضر نفسه أكتر من أى حد
وبعدين من الذكاء أنك ماتتعبيش نفسك عشان اى حاجه.
أعتقد أن فى موضوع مضايق زياده شويه ده باين فى أخر موضوعين اللى فاتوا
أيا كانت موع المشكله عاطفيه أو مع أصحابك أو..أو... بس المهم تفكرى بعقلك عشان ما تخسريش كتير
انشاء الله تدخلى القسم اللى أنت عايزاه ويارب تتفوقى فيه كمان يارب وأدعلى اناأنى أخد قرار فى اختيار القسم اللى أدخله عشان محتار فى قسمين بقالى كتير
الذكاء ممكن كمان يبقى نقمه لما يضطر النسان الذكى انه يبعد عن الناس لانه تعب من التعامل معاهم
لانهم بيضطروه لبذل مجهود اكبر عشان تفاهم معاهم
وده مش معناه ان الناس اغبيه
لا طبعا بس النسان الذكى فى اشياء كتير ممكن يحققها باقل وقت واقل مجهود لو تعامل مع ناس اذكياء مثله
ودى وجه نظر اخرى ممكن تخلى الواحد يشعر ان الذكاء بالنسبه له نقمه اكتر منها نعمه
ربنا معاكى فى الانترفيو وابقى طمنينا
اول زيارة لمدونتك بس وقريت مدونتك في حاجة شدتني معلش هتناقش فيها وياريت من غير زعل
ايه هو سبب حبك للاعب عماد متعب
هل بسبب اخلاقه؟
وحشة للاسف
هل بسبب مستواه الفني؟؟
مش دا اللي يتحب عشان مستواه في احسن منه
=====================
دا لاعب قليل الادب ومن الاخر بتاع سهرات وبيعد في اماكن وحشة غير انه تنك وتعامله مش كويس
=============================
كل دا وانا اهلاوي على فكرة...بس بعترف هو لاعب قليل الادب وحركة ظابط الشرطة اللي جابله بلطجية يضربوه وكذا حاجة بعدها
============================
هي اول زيارة ليا وطبعا انت اتخنأت مني وقلت ياريت ميجيش تاني
:D:D:D:D:D:D
بس انا بحب اقول رأيي بصراحة
واسف جدا للاطالة
محمد شبل
* علاء
ان شاء الله اقولك رأيى فى اقرب وقت
وميرسيه لزيارتك
* tschuss
ana knt waska ana el post da msh haytfhm 3'er mn ely by7eso nafs el 27sas da
* الباشمهندس محمد
فعلا يا محمد انا مضايقه شويه الفتره دى
وادعولى يااااااارب اتقبل فى الانترفيو
وربنا معاك ويوفقك وتختار القسم اللى يفيدك
صلى صلاه استخاره كده وادعى ربنك انه يرشدك للى فيه الخير ليك
ربنا يوفقك
* بندقه
عندك حق فى كل اللى قولتيه
ونورتينى
* ومن الشباك
انت قولت رأيك بصراحه وانا كمان هاقول رأيى بصراحه
اولا لو انت اهلاوى بجد وبتحب الاهلى عمرك ما هتقول على لاعيب من لاعيبته الكلام اللى انت قولته على عماد ده
ثانيا انت على اساس ايه بتقول انه لاعيب قليل الادب وبتاع سهرات شوفته فى حته سهران ولا بيعمل حاجه غلط ولا بتصدق كلام الجرايد الصفراء
ثالثا بالنسبه لموضوع الظابط والكمين عماد طلع براءه والظابط هو اللى طلع مذنب ولو انت متابع الموضوع كنت فهمت كل حاجه ومكنتش قلت كده
رابعا لو هو لاعيب بتاع سهرات وصياعه مكنش هيبقى اساسى فى فريق كبير زى الاهلى ومكنش هيبقى تانى هداف للدورى ومكنش هيلعب اساسى فى منتخب مصر كمان
والا لو كل اللاعيبه اللى بتسهر وصيع كده يبقى ياريت كل لاعيبه العالم كده بقى
خامسا عماد انسان محترم جدااااااااا ومؤدب جداااااا وانا مبقلش الكلام ده من الهواء لا انا متاكده من اللى انا بقوله ده انا عضوه فى الاهلى وبشوف متعب وكل لاعيبه الاهلى وبكلمهم وكل اعضاء النادى عارفين اخلاق لاعيبه الاهلى كويس اووووى
سادسا بقى ودى اهم حاجه متتهمش الناس بحاجه انت مش متاكد منها
وشكرا لردك
مافيش حد يقدر يفهم اللى قدامه انا مش معاكى ف الموضوع ده بس ربنا معاكى انشاء الله انا بردو بحب الاذاعه اوى ربنا معاكى
Post a Comment