بحبك يا مصر

مشربتش من نيلها طب جربت تغنلها .... جربت فى عز ما تحزن تمشى فى شوارعها وتشكيلها

ممشتش فى ضواحيها طيب ما كبرتش فيها ........ولا ليك صوره على الرمله كانت على الشط بموانيه

دور جواك تلقاها هى الصحبه وهى الاهل ...... عشرت بلدى بتبقالى نسيانها على البال مش سهل

يمكن ناسى لانك فيها مش وحشاك ولا غبت عليها ..... بس اللى مجرب وفرقها قال فى الدنيا مفيش بعديها

ان غبت بحنلها وانسى الدنيا واجلها.... وان جيت انسى تفكرنى بمليون ذكرى القلب شايلها

دى كلمات اغنيه شيرين " مشربتش من نيلها" اللى مغنياها لمصر معرفش ليه انا اول ما سمعت الاغنيه دى لقيت كلمتها لمستنى اووووووى وحسيت بجد انى بحب بلدى اوووووووووووى بس احنا مشكلتنا اننا مستنيين حاجه تعرفنا اننا بنحب بلدنا حتى ولو كانت حاجه بسيطه وتافهه

يعنى مثلا ساعه كأس الامم الافريقيه معظم جيلنا اكتشف انه بيحب بلدنا اوووى وانه بالرغم من كل اللى بيحصل فيها بردو بيحبها اوى وبردو غاليه عليه اووووووى

ومهما هيحصل ومهما هيجرى بحبك يا مصر يا احلى بلد فى الدنياااااااااااااااااا