الصور اللى انتوا شايفينها دى صور حفله النهارده اللى كانت فى الكليه عندنا وكان نجومها
"محمد احمد ماهر -جنات-محمد نور"
بجد كانت حفله جامده جدا بدأت الحفله بفقره محمد احمد ماهر وكانت فقره حواريه شويه بس كانت لذيذه والفقره التانيه كانت فقره الصاروخ الجديد فى عالم الغناء جنات واللى اثبتت انها بتتمتع بصوت جميل وكاريزما عاليه جدا وكانت فقرتها مميزه جدا
وزى ما بيقولوا ختامها مسك ففعلا كان ختام الحفله بتاعتنا مسك وكانت اخر الفقرات فقره محمد نور او "ميدو" الاسم المشهور بيه بين الشباب وكان استقبال محمد نور استقبال حار جدا لدرجه انه فضل واقف حوالى 5 دقايق مش عارف يغنى من الطلبه اللى فضلوا يقولوا "بنحبك يا نور.... تعالى يا نور" وغنى محمد نور اغانى البومه الجديد فى وسط تفاعل شديد جدا مع الطلبه اللى موجودين
وكان المفروض ان الفنان احمد حلمى يكون ليه فقره فى الحفله دى لكنه اعتذر ومجاش
وده كان ملخص بسيط لحفله من حفلات كليه الاعلام اللى بتقام تقريبا كل اسبوع
اه نسيت اقولكم فيه حفله تانى يوم الاربعاء بس لسه مش عارفه مين نجومها اعدكم بتقرير شامل عن الحفل القادم
مراسله البلوجات من داخل كليه الاعلام
دودى
10 comments:
يارب ايامكم كلها تبقي حفلات جامدة وايام جميلة ياستي ويابخت كلية الاعلام وطلابها طيب مافيش حفلة من نصيب كلية اداب ولا ايه ربنا يوفقكم وتبقي كل ايامكم حفلات
والله مش عارفة اقولك مبروك للاهلي النهاردة ولا ايه انا فعلا حاسة ان الاهلي لعب ماتش جامد موت وعمل كل اللي عليه وشرف مصر والكرة المصرية كالعادة بس هو النصيب والتوفيق ده بتاع ربنا هنلعب ع المركز التالت وهنرفع برضه اسم مصر فوق
ميرسيه يا نورهان ويارب يجعل ايامنا كلها سعاده
ومبروووك للاهلى مع انى زعلانه وكان نفسى نتأهل للنهائى لكن الحمد لله وربنا معانا الماتش الجاى
حلو اوى الملخص تسلم ايدك على النقل دة واضح طبعا انها حفلة جامدة جنات ومحمد نور بالذات بيعملوا جو جامد لانهم فنانين متميزين جدا وليهم مستقبل كبير انا بحبهم جدا على فكرة
تحياتى
حلو اوى الملخص تسلم ايدك على النقل دة واضح طبعا انها حفلة جامدة جنات ومحمد نور بالذات بيعملوا جو جامد لانهم فنانين متميزين جدا وليهم مستقبل كبير انا بحبهم جدا على فكرة
تحياتى
ماشي انت عارفة راي :)
خليكوا انتوا ف حفلاتكوا وانا ف الكويز بتاعي ماشي :))
* اميره القلم
ميرسيه ليكى وشرقتينى بالزياره
* نورا
انتى اللى جنيتى على نفسك
ههههههه
معلش يا بنتى ربنا نعاكى
والله كويس أن عندكم حفلات كده كويس
جنااااااااااااااااات
بمووووووووووووووت فيها
يا بختك
يالا ربنا يوفقك
* الباشمهندس محمد
مش كنت تقولى والله كنت اخدتك معايا المره الجايه بقى
بصى انا كل اللى اقدر اقولهولك
يابختك بكليتك
لكن واضح انها كانت حفله ممتازة وجميله
بس بقى لحسان هعيط على بختى بكليتى
وفى النهايه انا متشكر جدا على لقب
ملك الرومانسيه
اللى انتى سمتينى بيه
وانا ليه الشرف طبعا
وفى النهايه سلامى وربنا يوفقك
* الساحر
انت تستاهل اكتر من اللقب ده بجد كتاباتك حلوه جدااااااااااااا
وعايزين حاجات جامده يا ملك الرومانسيه
Post a Comment