تاج اتبعتلى من الدكتور طنطاوى
س : ايه اللى هيحصل لايميلك لما تموت؟
هيفضل زى ما هو ومش هيجراله اى حاجه
س: اديت الباسورد بتاعك لحد قبل كده؟
لا والله محصلتش
س: لو اه كانت طبيعه العلاقه بيه ايه؟
محصلش اصلا عشان اقول ايه طبيعه العلاقه
س: اسمك؟
رضوى
س: اسم الدلع المشهور بيه وسط اصحابك؟
دودى - رودى - واكتر لقب بحبه " مجنونه متعب" لانى بحب عماد متعب جدا
س: عمرك؟
انا عندى 17 ونصف
س: برجك؟
السرطان
س: مجال دراستك؟
الاعلام
س: شخصيتك نوعها ايه؟
بيقولوا عليه انى شخصيه مكس يعنى فيه حاجات كتير يعنى فى ناس بتحس انى هاديه وناس تانيه شايفانى مجنونه
ناس بتشوفنى متهوره وناس بتشوفنى عاقله بس الحاجه اللى مجتمعين عليها انى عصبيه اوى وفى ناس كتير بتقول انى رومانسيه
س: المود بتاعك؟
مودى النهارده عالى جداااااااا الحمد لله اليوم النهارده كان لذيذ وزاد اليوم لذاذه ان الاهلى كسب وكمان عماد متعب جاب جون " معلش اصلى اهلاويه جداااااااااااااااااااااااااااااااا" اووووى خاااالص
س: وقت فراغك بتعمل فيه ايه؟
خروجات مع اصحابى او نت او بقضيها بقى فى مواهبى المجنونه بكتب قصص او برسم رسومات عجيبه كده يعنى
س: الاكله المفضله؟
بحب البطاطس المحمره والفراخ والمكرونه وبحب الاكل بتاع بره وخاصه ساندويتش " الكوردن بلو" بتاع هاردييز
س: الصفات اللى اخدتها من بابا؟
الجدعنه والعقل فى حل المشاكل وتحمل المسئوليه وحب الناس وحب النجاح وتحديد هدف فى الحياه وكمان حب الرياضه
س: الصفات اللى اخدتها من ماما؟
الطيبه والحنيه اللى ملهاش اخر
س: اكتر 6 حاجات بتكرها؟
بتخنق من الناس اللى بتكلم فى حاجه مبتفهمش فيها
الناس اللى بتتحشر فى اللى ملهاش فيه
الناس الغلسه
الخيانه
الغدر
الناس السوسه
الغباااااااااااااااء
س: اكتر 6 حاجات بتحبهم؟
ربنا سبحانه وتعالى والرسول عليه الصلاه والسلام
بابا وماما واخواتى
اقاربى واصحابى
النادى الاهلى
بلدى
عمااااااااااااد متعب
س: الشغل بالنسبه لك ايه؟
حلم جميل وبجد نفسى اخلص دراسه بسرعه اوووووووى واشتغل فى المجال اللى انا بحبه واللى انا اخترته
س: ايه الكمبيوتر بالنسبه لك؟
ادمااااااان وحاجه بحبها جدا
س: الخمس حاجات اللى محدش يعرفها عنك؟
ههههههه محدش يعرف عنى حاجه اساسا عشان يبقى فى 5 حاجات محدش يعرفها عنى
س: خمس اشخاص تمرر لهم التاج ده؟
الباشمهندسه نوران
الباشمهندس محمد "وعد العيون"
مداح القمر
محمد فوزى ال ربيع
الساحر
11 comments:
مش كنتي قلتي قبل ما اكتب اللي كتبته
خلاص هعمله بعد بكره ماشي :)
السلام عليكم
الأهلي ماشي
* نورا
معلش يا بنتى بقى اعمليه بعد بكره
* no fear
وعليكم السلام
طبعا الاهلى والاهلى على طوووووووووول
اووووووووووووووه اهلاوى
ههههههههههه
متشكر على الاستجابه السريعه دي
بس بصراحه اسم عماد متعب عاملي زغلله مش عارف اقرأ التاج كويس هههه عارفه لو تشيليه و تكتبي عمرو زكي ولا جمال حمزه .. هيبقى الخط واضح و مقري جدا جدا هههه
تحياتي لكل الاهلاويه و على الخصوص جوزيه ههههه
* دكتور طنطاوى
ياسلام اسم عماد متعب عاملك زغلله
لا ده انا لو كتبت اى حد من الناس اللى انت كاتبهم دول الدنيا هتبقى ضلمه هههههه
وبالنسبه لتحيه جوزيه طبعا لازم تحييه لانه مدرب كبير وبيجيب بطولات ولو انى فاهمه مغزى الكلام
وانت كمان سلملى على محمود سعد وحازم امام اللى كانوا هيضربوا الحكم
هههههههههههههههههههههههه
اجاباتك جميله أوى بس حتختلف عنك فى شويه حاجات كده
أنا حعمله دلوقتى انشاء الله
سلاااااااام
* الباشمهندس محمد
يالا وانا مستنيه اشوف اجاباتك
دودي العزيزة
شكرا جزيلا على التاج
أنا خلصت إجابة عليه دلوقتي
تقدروا تشوفوه
و شكرا مرة تانية
عفوا يا محمد وانا رايحه اشوفه اهو
السلام عليكم
أنت ليه مشاركتك قليلة
مينفعش كده
سلام
* no fear
وعليكم السلام
معلش انا عارفه ان مشاركاتى قليله بس ان شاء الله يكون الجديد قريب
Post a Comment